Skip to content

Scottish Poetry Library

Register/Sign in
Shopping Bag Shopping Bag
Bringing people and poems together
  • Home
  • Poetry
    • Poets
    • Poems
    • Film
    • Podcasts
    • Makar – National Poet
    • Best Scottish Poems
    • Poetry Ambassadors
      Tosgairean na Bàrdachd
  • Library
    • Become a borrower
    • Catalogue
    • Collections
    • Ask a librarian
    • Copyright enquiries
  • Learning
    • SQA set texts
    • Learning resources
    • Children’s poems in Scots
    • National Poetry Day archive
    • New to poetry?
    • Advice for poets
  • Events
    • What’s On
    • Meeting rooms and venue hire
    • Exhibitions
  • Shop
    • Poetry Highlights
    • Stichill Marigold Press
    • Poems for Doctors, Nurses & Teachers
    • Scottish Poetry
    • Poetry Pamphlet Cards
    • Help
  • About us
    • Our story
    • Our people
    • Company Papers & Policies
    • FAQs
    • Find us
    • Contact us
  • Support us
    • Become a Friend
    • Donate
  • Blog
Shopping BagShopping Bag
Ask a librarian
  • Home
  • >
  • Poetry
  • >
  • John Buchan
  • >
  • Home Thoughts from Abroad
Donate Donate icon Ask a Librarian Ask a Librarian icon

Home Thoughts from Abroad

John Buchan

Aifter the war, says the papers, they’ll no be content at hame,
The lads that hae feucht wi’ death twae ‘ear i’ the mud and the
rain and the snaw;
For aifter a sodger’s life the shop will be unco tame;
They’ll ettle at fortune and freedom in the new lands far awa’.

No me!
By God! No me!
Aince we hae lickit oor faes
And aince I get oot o’ this hell
For the rest o’ my leevin’ days
I’ll mak a pet o’ mysel’.
I’ll haste me back wi’ an eident fit
And settle again in the same auld bit.
And oh! the comfort to snowk again
The reek o’ my mither’s but-and-ben,
The wee box-bed and the ingle neuk
And the kail-pat hung frae the chimley-heuk!
I’ll gang back to the shop like a laddie to play,
Tak doun the shutters at skreigh o’ day,
And weigh oot floor wi’ a carefu’ pride,
And hear the clash o’ the countraside.
I’ll wear for ordinar’ a roond hard hat,
A collar and dicky and black cravat.
If the weather’s wat I’ll no stir ootbye
Wi’oot an umbrella to keep me dry.
I think I’d better no tak a wife –
I’ve had a’ the adventure I want in life. –
But at nicht, when the doors are steeked, I’ll sit,
While the bleeze loups high frae the aiken ruit,
And smoke my pipe aside the crook.
And read in some douce auld-farrant book;
Or crack wi’ Davie and mix a rummer,
While the auld wife’s pow nid-nods in slum’er;
And hark to the winds gaun tearin’ by
And thank the Lord I’m sae warm and dry.

When simmer brings the lang bricht e’en,
I’ll dauner doun to the bowling-green,
Or delve my yaird and my roses tend
For the big floo’er-show in the next back-end.
Whiles, when the sun blinks aifter rain,
I’ll tak my rod and gang up the glen;
Me and Davie, we ken the pules
Whaur the troot grow great in the hows o’ the hills;
And, wanderin’ back when the gloamin’ fa’s
And the midges dance in the hazel shaws,
We’ll stop at the yett ayont the hicht
And drink great wauchts o’ the scented nicht,
While the hoose lamps kin’le raw by raw
And a yellow star hings ower the law.
David will lauch like a wean at a fair
And nip my airm to mak certain shure
That we’re back frae yon place o’ dule and dreid,
To oor ain kind warld –

But Davie’s deid!
Nae mair gude nor ill can betide him.
We happit him doun by Beaumont toun,
And the half o’ my hert’s in the mools aside him.


John Buchan

Tags:

20th century poems early 20th century poems everyday life Scots World War I
Share this
Facebook
Twitter
Email

Learn more

John Buchan1875 - 1940

John Buchan combined a literary life with his career in public service. In the latter he became Governor-General of Canada, and as an author he is best remembered for his popular adventure stories and for his poetry in Scots.
More about John Buchan

Events

Discover our poetry events at the library & online.
Find forthcoming Events

Newsletter

Sign up for our regular email newsletter.
Subscribe now
  • Newsletter signup
  • Accessibility
  • Terms & Conditions
  • Privacy Policy
Scottish Poetry Library
5 Crichton's Close, Canongate
Edinburgh EH8 8DT
Tel: +44 (0)131 557 2876
© Scottish Poetry Library 2022.
The Scottish Poetry Library is a registered charity (No. SCO23311).
City of Edinburgh logo Green Arts Initiative logo Creative Scotland logo
Scottish Poetry Library