English

You can find our reference service form at the bottom of this page. Our staff are always happy to help with any poetry-related enquiries you may have – not just Scottish ones. Give us a try – no matter how simple or complicated you think it is. We’ll try to help – or we’ll direct you to another source of assistance if we can’t. Our staff love a challenge.

Gaelic

Seirbheis Fiosrachaidh

Gheibhear foirm na seirbheis fiosrachaidh againn aig bonn na duilleie. Tha ar luchd-obrach an-còmhnaidh tuilleadh agus deònach cuideachadh le ceist sam bith a th’ agaibh mu bhàrdachd (agus chan e dìreach bàrdachd Albannach). Cuiribh fios thugainn, ge bith dè cho sìmplidh no toinnte ’s a tha ur ceist. Feuchaidh sinn ur cuideachadh, no cuiridh sinn sibh a dh’ionnsaigh raon-cuideachaidh eile mura tèid againn air. Is fìor thoil leinn dùbhlan!

English

If there are lines going round in your head that you can’t place, or you’d like to see the whole of a poem you learnt at school, try submitting the words you remember to us and we’ll do our best to find the poem for you. You can ask us for suggestions for poems for weddings, funeral readings and other life occasions, and we can also look for poems on particular subjects or themes.

Gaelic

A’ Lorg Dhàn

Ma tha dàn a dhìth oirbh, no bloigh-chuimhne agaibh air fear a dh’ionnsaich sibh san sgoil, cuiribh na loidhnichean a tha nur cuimhne thugainn agus nì sinn ar dìcheall an dàn a lorg dhuibh. ’S urrainn dhuinn dàin a mholadh dhuibh airson bainnsean, tiodhlacaidhean agus eile, agus ’s urrainn dhuinn dàin a lorg cuideachd air cuspairean sònraichte.

English

If you are engaged in researching a particular poet, poetry movement, or period of time, the SPL can help. As well as our extensive reference collection, we have compiled an index to the poetry content of twenty 20th century Scottish literary magazines (the Scottish Poetry Index), and we have a unique file of cuttings. The strength of both these tools is Scottish poets and poetry, particularly of the 20th and 21st centuries, but other countries are also covered to a certain extent. If you would like more information on how to get the most from our resources, we would be pleased to assist.

Gaelic

Taic rannsachaidh

Ma tha sibh a’ rannsachadh bàrd, sgoil bhàrdachd, no àm sònraichte, ’s urrainn dhan Leabharlann ur cuideachadh. Cuide ris a’ chruinneachadh fhiosrachaidh fharsaing againn, tha sinn air clàr-amais a chur còmhla de bhàrdachd a nochd ann an irisean Albannach anns an 20mh linn (Clàr-amais Irisean Bàrdachd na h-Alba) agus tha faidhle sònraichte againn de ghearraidhean. Tha a’ mhòr-chuid de na th’ anns an dà ghoireas seo stèidhichte air bàrdachd agus bàird na h-Alba, gu h-àraidh den 20mh agus 21mh linn, ach chithear gu ìre dùthchannan eile air an riochdachadh annta. Ma tha barrachd fiosrachaidh a dhìth oirbh mun dòigh as fheàrr na goireasan seo a chur gu feum, bhitheamaid tuilleadh agus deònach taic a chumail ribh.