Gaelic
Tha Leabharlann Bàrdachd na h-Alba gu bhith a’ comharrachadh cultar na Gàidhlig fad an Earraich le sreath de thachartasan làn-Ghàidhlig, gus bàrdachd, ceòl is coimhearsnachdan na Gàidhlig ann an Dùn Èideann is air feadh Lodainn a thoirt chruinn.
’S e seo a’ chiad ceum ann an iomairt ùr gus compàirteachadh ro-innleachdail a neartachadh eadar an Leabharlann is buidhnean na Gàidhlig, fo stiùir Mharcais Mhic an Tuairneir, co-òrdanaiche leasachadh seirbheis na Gàidhlig a chaidh a chur an dreuchd as t-Foghar, an-uiridh. Gus na tachartasan a ruith, bidh Marcas ag obair le Anna Pheadarsan, Oifigear Leasachadh na Gàidhlig aig Comhairle Bhaile Dhùn Èideann, air an oidhche.
’S e Sruth a bhios air na tachartasan – rud a nì luaidh air obair Sheumais Mhòir MhicEunraig, a bha cho mòr na phàirt de choimhearsnachd na Gàidhlig agus ealain thraidiseanta sa bhaile. Le sin, tha luchd na Leabharlainn an dòchas an carrying stream aige a thoirt air aghaidh, a’ cur fàilte air bàird an là an-diugh is seinneadairean òga gus an cuid obrach a chumail ro luchd-èisteachd ann an àrainneachd làn-Ghàidhlig.
Fhuaireas taic maoineachaidh bho dhà bhuidheann compàirt – Bòrd na Gàidhlig, Comhairle nan Leabhraichean is Urras Leabhraichean na h-Alba – gus na tachartasan a ruith. Ag obair gu dlùth le Fèisean nan Gàidheal, bheir na tachartasan cothrom do sheinneadairean òga a bha an sàs san sgeama ‘Fuaran’ an cuid òrain thaisbeanadh.
Tha na tachartasan fosgailte do dhuine sam bith a tha fileanta no ag ionnsachadh na Gàidhlig agus faodar ticeadan a cheannach tro dhuilleag nan tachartasan againn, no aig an doras. Ged a bha e mì-fhortanach tachartas a’ Ghearrain a chur dheth air sgàth suidheachadh Covid-19, tha sinn an dùil an sreath a leudachadh tron Chèitean.
English
The Scottish Poetry Library is set to celebrate Gaelic culture through the Spring with a specifically Gaelic-medium events series bringing poetry, music and Gaelic communities in Edinburgh and throughout Lothian together.
This is the first step in a series of new initiatives aimed at strengthening strategic partnerships between the Library and Gaelic organisations, led by Gaelic Service Development Co-ordinator, Marcas Mac an Tuairneir, who has been in post since the autumn of last year. Running the events on the night, Marcas will be joined by Ann Paterson, the Gaelic Development Officer of The City of Edinburgh Council.
The events series, named Sruth, will chime with Hamish Henderson’s carrying stream, honours the Gaelic and traditional arts champion’s work in the city. In this, the Library’s team will welcome young singers into the institution to perform for attendees as the Gaelic language becomes lingua franca for the night.
These activities are supported financially by three partner organisations – Bòrd na Gàidhlig, The Gaelic Books Council and The Scottish Books Trust. Working closely with Fèisean nan Gàidheal, the series affords a performance opportunity to young singers who took part in their ‘Fuaran’ scheme and we hope that the Library’s own extensive collections will be a source of inspiration to musicians young and older in search of songs, new to them, to sing.
The events are open to anyone fluent in or learning Gaelic and tickets can be purchased through the events page on the website, or on the door. Whilst we were disappointed to have to reschedule February’s event, we hope to be able to extend the series into May.
