for ma sister
The auld psalms, Frances, mind,
at the brae’s fit, aneth roddin,
wicht roses, the shuggly haathorn –
the kirk wi its sma-like steeple,
soor goosers niver eaten,
the caravan some thocht queer
whaur moths were aewys slepin,
thocht brings back in order?
The standin-pump that caad up forkies
as weel as watter wi ivery pail,
the water-butt that bent the licht,
airn pans derk as nicht
whaur buckies biled, thocht brings back
grun lang since turned.