The Spider’s Legend of Robert the Bruce
Ah got scunnert tryin’ tae spin
a web for denner,
the stane wis a’ slaisterie,
ah couldnae get a grip,
ah wis hauf stairved by the end,
no even a midge tae claucht,
then a big lug o’ a mon cam in,
raggety, right dosser,
mair hungert looking than me,
stairted eyeing me up,
ah thought, am off,
swung like tarzan
oot the cave on a thread
thick as a wean’s wrist.
Seemed tae cheer him up.
About this poem
This poem was reproduced on a postcard for National Poetry Day 2009. Eight poetry postcards are published each year by the Scottish Poetry Library to celebrate National Poetry Day and are distributed throughout Scotland to schools, libraries and other venues. The theme for 2009 was heroes and villains. You can find out more about National Poetry Day in our National Poetry Day pages.