Na Raiders

An cuala tu mu na raiders?
‘Mu na raiders?’ Mu na raiders!
An cuala tu mu na raiders
a-null an Bhatarsaigh?

Cha robh taighean aig na raiders.
‘Aig na raiders?’ Aig na raiders!
Ach bha fearann bhiodh gu feum dhaibh
a-null an Bhatarsaigh.

Cha robh ach duine ann ga chleachdadh.
‘Ann ga chleachdadh?’ Ann ga chleachdadh!
Cha robh ach duin’ ann air an talamh
a-null an Bhatarsaigh.

’S mar sin dh’fhalbh iad, na raiders.
‘Na raiders?’ Na raiders!
Dh’fhalbh iad, na raiders
a-null a Bhatarsaigh.

Is thog iad taighean dhaib’ fhèin ann.
‘Dhaib’ fhèin ann?’ Dhaib’ fhèin ann!
Is thog iad taighean dhaib’ fhèin ann
a-null an Bhatarsaigh.

Cha robh bhan-tighearna toilichte.
‘Le na raiders?’ Le na raiders.
Cha robh bhan-tighearna toilichte
aig an robh eilean Bhatarsaigh.

Chaidh grunnan chur a Dhùn Èideann
‘De na raiders?’ Seadh, na raiders!
Chaidh grunnan a chur sa phrìosan
bho null an Bhatarsaigh.

Ach nach bu chinneadh treun iad.
‘Am bu treun iad?’ Ò bu treun iad!
Bu treun a bha na raiders
a-null an Bhatarsaigh.

Is thill iad slàn às a’ phrìosan.
‘À Dùn Èideann?’ À Dùn Èideann!
Thill iad ’s an còir nis glèidhte
a-null a Bhatarsaigh.

Nach tig sinn uile ri chèile?
‘Uile ri chèile?’ Uile ri chèile!
Nach tig sinn uile ri chèile
is nach cuimhnich sinn gu lèir
air sgeulachd aig na raiders
air an fheadhainn as treasa, dèinne
is a’ chòir aca bha glèidhte
is an dòigh san d’ rinn iad èirigh
airson taighean fhaighinn dhaib’ fhèin ann
is an teaghlaichean a ghlèidheadh
is am fearann chur gu feum ann
nach cuimhnich sinn gu lèir — gu lèir! —
air mar a rinn na raiders
a-null an Bhatarsaigh.

An cuala tu mu na raiders?
‘Mu na raiders?’ Mu na raiders!
‘Ò chuala mi nis mun raiders
a-null an Bhatarsaigh!’