Mise agus Pangur Bàn
Tha dàn Èireannach às an 9mh linn a’ toirt dealbh dhuinn air cat, Pangur Bàn,
agus a mhaighstir, is gach fear aca gu comhartail an sàs san alt aige fhèin –
sealg luchan agus sealg fhreagairtean a rèir a chèile.
Chunnaic am manach gum b’ iomchaidh
Pangur Bàn a bhith ri luchan
fhad ’s a bha e fhèin ri sgrìobhadh
sa scriptorium fhuar is luchan rim fògradh.
Ach chan eil an gnothach cho sìmplidh
dhomhsa is an cat làn Whiskas is dallag aige.
An leig mi leis a’ chat cluich le a chreich
is sin na dhualchas,
No an glac mi an creutair sgeunach san t-sluasaid
ach an tilg mi a-mach e san fheur fhada riaslach
far an ruith e air falbh gus an tèid a ghlacadh . . .
is truas dham cho-chreutair san nàdar agamsa?
Nam bu dualach e do Phangur Bàn
greimeachadh air an luch a dh’aona leum
tha e dualach dhomhsa
a bhith eadar dà bharail:
An-dè ’s ann a shàbhail mi an luch;
an-diugh toilichidh mi an cat, ’s mi sgìth . . .
O nan robh am breithneachadh ceart
mar bu dual do mhac-an-duine.
Translations of this Poem
The monk and Pangur Bàn
Translator: Meg Bateman
A ninth-century Irish poem describes a cat, Pangur Bàn, and his master
companionably intent on what each does best – hunting mice and
intellectual solutions respectively.
The monk saw it fitting
that Pangur Bàn should be busy with a mouse
while he was busy with writing
in a cold scriptorium with mice to keep down.
But the matter is not so simple for me
when the cat has a shrew and is full of Whiskas.
Should I leave the cat well alone
as playing with his prey is part of his nature,
Or should I shovel up the terrified shrew
and throw it out in the long grass
to scuttle away till next it’s caught . . .
as compassion for others is part of mine?
As it was instinctive for Pangur Bàn
to leap on his prey at one swift bound,
so is it instinctive for me
to hover between two minds:
Yesterday I saved the mouse,
today, being tired, I’ll please the cat . . .
If only hitting on the right judgement
were instinctive to humankind!
