What ails you, you puir auld body?
What gars you greet sae sair?
Hae you tint the man that’s been kind to you
This forty year and mair?
O, I didna greet when I tint him,
Nor yet on the burrel-day;
But though I saw to the hoose and the byre,
God kens that my hert was wae.
But this mornin’ I cam on his bauchles;
What cud I dae but greet?
For I mindit hoo hard he had wrocht for me,
Trauchlin’ wi’ sair, sair feet.