Dr Wha
Wha’s Doctor Wha? Wha better kens nor he
that jouks the yetts and rides the birlin wheels
o time and space, shape-shiftin as he reels
through endless versions o reality?
Bit dis he ken himsel? Weel, mibbe sae,
yet wha’s tae ken gin aw that’s kent by Wha
maks mair or less or better sense ava
nor whit we ithers ken, or think we dae?
The universe is fou o parallels:
wha’s like us? Hunners? Thoosans? We oorsels
micht be mere glisks o life-forms yet tae be.
Whit’s real? Whaur’s here? When’s noo? Wha’s quick or deid?
Wha’s jist a thoctie in anither’s heid?
Wha’s Doctor Wha? Wha better kens nor s^he?
About this poem
This poem was chosen for National Poetry Day 2018, for the theme of ‘change’.
Learning Resources
SQA Key: National 5 Higher
Dr Wha Teaching Notes
Find our teaching notes for Dr Wha, one of our National Poetry Day 2018 poems, here.