from The Bruce

A! Fredome is a noble thing
Fredome mays man to haiff liking.
Fredome all solace to man giffis,
He levys at es that frely levys.
A noble hart may haiff nane es
Na ellys nocht that may him ples
Gyff fredome failyhe, for fre liking
Is yharnt our all other thing.
Na he that ay has levyt fre
May nocht knaw weill the propyrté
The angyr na the wrechyt dome
That is couplt to foule thyrldome,
Bot gyff he had assayit it.
Than all perquer he suld it wyt,
And suld think fredome mar to prys
Than all the gold in warld that is.