A Man's a Man for a' That
Is there for honest Poverty That hings his head, an' a' that; The coward slave - we pass him by, We dare be poor for a' that! For a' that, an' a' that. Our toils obscure an' a' that, The rank is but the guinea's stamp, The Man's the gowd for a' that. What though on hamely fare we dine, Wear hoddin grey, an' a that; Gie fools their silks, and knaves their wine; A Man's a Man for a' that: For a' that, and a' that, Their tinsel show, an' a' that; The honest man, tho' e'er sae poor, Is king o' men for a' that. Ye see yon birkie ca'd a lord, Wha struts, an' stares, an' a' that, Tho' hundreds worship at his word, He's but a coof for a' that. For a' that, an' a' that, His ribband, star, an' a' that, The man o' independent mind, He looks an' laughs at a' that. A Prince can mak a belted knight, A marquis, duke, an' a' that! But an honest man's aboon his might – Guid faith, he mauna fa' that! For a' that, an' a' that, Their dignities, an' a' that, The pith o' Sense an' pride o' Worth Are higher rank than a' that. Then let us pray that come it may, As come it will for a' that, That Sense and Worth, o'er a' the earth Shall bear the gree an' a' that. For a' that, an' a' that, It's comin yet for a' that, That Man to Man the warld o'er Shall brithers be for a' that.
If ever a poet understood the character of his nation, he was Robert Burns. The language he was most fluent in wasn’t so much Scots or English – it was the language of the heart. All too human in his personal life, he carried that humanity over onto the page. Nothing was too small or too large to escape his notice, from a mouse in the mud to God in his heavens. A poet for all seasons, Burns speaks to all, soul to soul.Read more about this poet
About this poem
This poem was reproduced on a postcard for National Poetry Day 2006. Eight poetry postcards are published each year by the Scottish Poetry Library to celebrate National Poetry Day and are distributed throughout Scotland to schools, libraries and other venues. The theme for 2006 was identity. You can find out more about National Poetry Day in our National Poetry Day pages, where you'll also find resources to go with the poems.